ചിക്കാഗോ രൂപത ക്നാനായ റീജിയൺ ചെറുപുഷ്പ മിഷൻ ലീഗിന്റെ നേതൃത്വത്തിൽ പ്രഥമ ദിവ്യകാരുണ്യ സ്വീകരണം നടത്തിയ കുട്ടികൾക്കായി നടത്തിയ എയ്ഞ്ചൽസ് മീറ്റ് ഏറെ അനുഗ്രഹീതമായി . 145 കുട്ടികൾ പങ്കെടുത്ത എയ്ഞ്ചൽസ് മീറ്റ് മാർ ജേക്കബ്ബ് അങ്ങാടിയത്ത് ഉദ്ഘാടനം ചെയ്തു. മാർ ജോസഫ് പണ്ടാരശ്ശേരിൽ അനുഗ്രഹ പ്രഭാഷണം നടത്തി . ഫാ തോമസ്സ് മുളവനാൽ ആമുഖ സന്ദേശം നൽകി . ഫാ ജോസ് ആദോപളളിയിൽ , ഫാ ബിൻസ് ചേത്തലിൽ എന്നിവർ ആശംസകൾ അർപ്പിച്ചു. എലോറമ്യാൽക്ക പുറത്ത് പ്രാർത്ഥനാ ഗാനവും അലീഷാ പോളപ്പറായിൽ സ്വാഗത പ്രസംഗവും കീഷോൺ കരിമ്പുംകാലായിൽ നന്ദി പ്രസംഗവും നടത്തിയ . വിവിധ കുട്ടികളുടെ മാതാപിതാക്കളും വേദപാഠഅദ്ധ്യാപകരും ഇതിൽ പങ്കു ചേർന്നു. ക്നാനായ റീജിയണിൽ ആദ്യമായി നടത്തിയ ഈ സംഗമം കുട്ടികൾക്ക് പുത്തൻ ഉണർവേകി
Facebook Comments
