knanayapathram 
ബൈജു ആലപ്പാട്ട് – KCCNA PRO
ചിക്കാഗോ, – ചിക്കാഗോയിൽ വച്ചു സെപ്റ്റംബർ 20-ന് നടന്ന ക്നാനായ കത്തോലിക്ക കോൺഗ്രസ് ഓഫ് നോർത്ത് അമേരിക്ക (KCCNA) നാഷണൽ കൗൺസിൽ ഫ്ലോറിഡയിലെ ഫോർട്ട് ലോഡർഡെയിലെ ബ്രോവാർഡ് കൗണ്ടി കൺവെൻഷൻ സെന്റർ, 2026 ആഗസ്റ്റ് 6 മുതൽ 10 വരെ നടക്കുന്ന 16-ാം നാഷണൽ കൺവെൻഷന്റെ വേദിയായി ഔദ്യോഗികമായി പ്രഖ്യാപിച്ചു. അക്കമഡേഷൻ ഒരുക്കിയിരിക്കുന്നത് ഫോർട്ട് ലോഡർഡെയിലെ പുതിയ ഹോട്ടൽ സമുച്ചയമായ ഓമ്നി ഹോട്ടലിൽ ആയിരിക്കുമെന്ന് KCCNA പ്രസിഡന്റ് ജെയിംസ് ഇല്ലിക്കൽ ജനറൽ സെക്രട്ടറി വിപിൻ ചാലുങ്കൽ എന്നിവർ അറിയിച്ചു .
അമേരിക്കയിലും കാനഡയിൽനിന്നുമുള്ള ആയിരക്കണക്കിന് ക്നാനായ കുടുംബങ്ങളെ ഒന്നിപ്പിക്കുന്ന മഹത്തായ സംഗമമായി ഈ കൺവെൻഷൻ മാറും. സ്വന്തം ജനത്തോടുള്ള ആത്മബന്ധത്തിന്റെ അടങ്ങാത്ത കടലിരമ്പങ്ങൾ ഹൃദയത്തിൽ സൂക്ഷിയ്ക്കുന്നവർ ഒരു വട്ടം കൂടി ഒരുമിയ്ക്കുന്ന വടക്കേ അമേരിക്കയിലെ ക്നാനായ സ്നേഹസംഗമത്തിന് വേദിയും തിയതിയും കുറിച്ചു .
ടാമ്പാ, മയാമി ക്നാനായ കത്തോലിക്ക അസോസിയേഷനുകൾ കൺവെൻഷന് സംയുക്തമായി ആതിഥേയത്വം വഹിക്കും. ഫ്ലോറിഡയിലെ ക്നാനായ സമൂഹത്തിന് അഭിമാനകരമായ ചരിത്ര നിമിഷമാണിത്. 2012 ടാമ്പ കൺവെൻഷന് ശേഷം ഫ്ലോറിഡ വീണ്ടും കൺവെൻഷൻ വേദിയാകുന്നു. ദക്ഷിണ ഫ്ലോറിഡയിലെ സജീവമായ ക്നാനായ സമൂഹം ആദ്യമായിട്ടാണ് കെസിസിഎൻഎയുടെ ഏറ്റവും വലിയ സംഗമത്തിന് വേദിയാകുന്നത്. KCCCF പ്രസിഡന്റ് ജയ്മോൾ മൂശാരിപ്പറമ്പിൽ , ടാമ്പാ RVP ജോബി ഊരാളിൽ അറ്റലാന്റ- മയാമി RVP അരുൺ പൗവത്തിൽ എന്നിവർ കൺവെൻഷൻ ലൊക്കേഷൻ പ്രെസെന്റേഷൻ നാഷണൽ കൗൺസിൽ യോഗത്തിൽ നടത്തി മെംബേഴ്സിന്റെ ചോദ്യങ്ങൾക്ക് മറുപടി കൊടുത്തു.
കൺവെൻഷനിൽ സാംസ്കാരിക, സാമൂഹിക പരിപാടികളുടെ സമൃദ്ധമായ നിര പ്രതീക്ഷിക്കപ്പെടുന്നു. വിശുദ്ധ കുർബാന, യുവജന-ശിശു പരിപാടികൾ, നേതൃസമ്മേളനങ്ങൾ, സെമിനാറുകൾ, സാംസ്കാരിക മേളകൾ, ക്നാനായ പാരമ്പര്യം പ്രതിഫലിപ്പിക്കുന്ന കലാപരിപാടികൾ കലാ സ്പോർട്സ് മത്സരങ്ങൾ എന്നിവ ഉൾപ്പെടും.
16-ാം കെസിസിഎൻഎ കൺവെൻഷൻ ഒരു സംഗമം മാത്രമല്ല, സമുദായ പാരമ്പര്യത്തിന്റെയും ബന്ധങ്ങളുടെയും മഹോത്സവമാണ്,” KCCNA എക്സിക്യൂട്ടീവ് കമ്മറ്റി അറിയിച്ചു. “നമ്മുടെ സമൂഹത്തെ സൂര്യപ്രകാശമുള്ള ഫോർട്ട് ലോഡർഡെയിലിൽ സ്വാഗതം ചെയ്യാനും മറക്കാനാകാത്ത ഓർമ്മകൾ സൃഷ്ടിക്കാനും ഞങ്ങൾ ആകാംക്ഷയോടെ കാത്തിരിക്കുന്നു.”
ലോകത്തിലെ ഏറ്റവും വലിയ ക്നാനായ സംഗമങ്ങളിൽ ഒന്നിന് അനുയോജ്യമായ അന്തരീക്ഷം ഒരുക്കുന്നതിനായി, അതിന്റെ മികച്ച സൗകര്യങ്ങളും തന്ത്രപ്രധാനമായ സ്ഥലവുമുള്ള ബ്രോവാർഡ് കൗണ്ടി കൺവെൻഷൻ സെന്റർ മികച്ച വേദിയായിരിക്കും. രജിസ്ട്രേഷൻ, താമസം, പരിപാടികളുടെ ഹൈലൈറ്റുകൾ തുടങ്ങിയ വിശദാംശങ്ങൾ ഉടൻ അറിയിക്കുമെന്നും എക്സിക്യൂട്ടീവ് കമ്മിറ്റീ അറിയിച്ചു .
ജെയിംസ് ഇല്ലിക്കൽ (ഫ്ളോറിഡ) പ്രസിഡണ്ട് , സിജു ചെരുവൻകാലായിൽ (ന്യൂയോർക്ക് ) എക്സിക്യൂട്ടീവ് വൈസ് പ്രസിഡണ്ട് , വിപിൻ ചാലുങ്കൽ (ചിക്കാഗോ) ജനറൽ സെക്രട്ടറി, സൂസൻ തെങ്ങുംതറയിൽ (സാൻ ഹൊസെ) ജോയിന്റ് സെക്രട്ടറി, ജോജോ തറയിൽ (ഹൂസ്റ്റൺ) ട്രഷറർ, ജേക്കബ് കുസുമാലയം(ന്യൂ യോർക്ക്) വൈസ് പ്രസിഡണ്ട് ജെസ്നി കൊട്ടിയാനിക്കൽ (അറ്റലാന്റ) ജോയിന്റ് ട്രെഷറർ എന്നിവരാണ് KCCNA യ്ക്ക്
നേതൃത്വം നൽകുന്നത് .
ഇവരെ കൂടാതെ റീജിയണൽ വൈസ്സ് പ്രസിഡണ്ടുമാരായ ഫിലിപ്സ് മാത്യു മാപ്പളശേരിൽ (ഹൂസ്റ്റൺ), അരുൺ ജോർജ് പൗവ്വത്തിൽ (മയാമി ), സിൽവസ്റ്റർ സിറിയക്ക് കൊടുന്നിനാംകുന്നേൽ (ഡാളസ്), ബാബു തൈപ്പറമ്പിൽ (ചിക്കാഗോ), സജി ജോസഫ് ഒരപ്പാങ്കൽ (ന്യൂയോർക്ക് ), ഗോഡ്വിൻ കൊച്ചുപുരക്കൽ (മിനസോട്ട), ടോമി ജോസഫ് തെക്കനാട്ട് (വാഷിംഗ്ടൺ ), ജോ മാനുവൽ മരങ്ങാട്ടിൽ (സാക്രമെന്റോ ), ജോബി ഫിലിപ്പ് ഊരാളിൽ (ഫ്ലോറിഡ), മിന്നു എബ്രഹാം കൊടുന്നിനംകുന്നേൽ (കാനഡ) , വിമൻസ് ഫോറം നാഷണൽ പ്രസിഡണ്ട് ഡാനി പല്ലാട്ടുമഠം (ഡാളസ്), KCYL പ്രസിഡണ്ട് ആൽവിൻ പിണർക്കയിൽ (ചിക്കാഗോ) , യുവജനവേദി നാഷണൽ പ്രസിഡണ്ട് പുന്നൂസ് വഞ്ചിപുരക്കൽ (ടാമ്പ), സ്പിരിച്യുൽ ഡയറക്ടർ റെവ. ഫാ.ബോബൻ വട്ടംപുറത്ത് (സാൻ അന്റോണിയ വികാരി) എന്നിവരടങ്ങിയതാണ് കെ.സി.സി.എൻ.എ എക്സിക്യൂട്ടീവ് കമ്മറ്റി .
