knanayapathram 
സ്വന്തം ലേഖകൻ
ആഘോഷത്തിന്റെ അർത്ഥം അശരണരിലേക്കു നീളുമ്പോൾ
ക്നാനായ പത്രത്തിന്റെ പത്താം വാർഷികം കേവലം ഒരു സംഖ്യയോ ഓർമ്മപ്പെരുക്കമോ മാത്രമാകരുത് എന്ന് നിർബന്ധമുണ്ടായിരുന്നു. അത് സമൂഹത്തോടുള്ള തന്റെ ഉത്തരവാദിത്വം വീണ്ടും പുതുക്കി പ്രഖ്യാപിക്കുന്ന അവസരമാകണം എന്ന് ഞങ്ങൾ വിശ്വസിക്കുന്നു . ക്നാനായ പത്രം തന്റെ പത്താം വാർഷികം അശരണരോടൊപ്പം ആഘോഷിച്ചതിലൂടെ ആ സന്ദേശം വ്യക്തമായി സമൂഹത്തോട് പങ്കുവെക്കുവാൻ ഞങ്ങൾ ആഗ്രഹിക്കുകയാണ് . വളരെ കുറച്ചു നാളായുള്ള ക്നാനായ പത്രം ടീമിൻറെ ആഗ്രഹമായിരുന്നു. ക്നാനായ പത്രത്തിൻറെ പത്താം വാർഷികം ആഘോഷങ്ങൾ അനേകർക്ക് സ്വാന്തനം ആകുന്ന പി യു തോമസ് ചേട്ടൻറെ നവജീവനിൽ വച്ച് ആഘോഷിക്കുക എന്നുള്ളത് അത് സാധ്യമായതിന്റെ സന്തോഷത്തിലാണ് ക്നാനായ പത്രത്തിൻറെ പിന്നിൽ പ്രവർത്തിക്കുന്ന ഓരോരുത്തരും . കോട്ടയം നവജീവനിൽ വച്ച് നടന്ന ക്നാനായ പത്രം പത്താം വാർഷികാഘോഷങ്ങളിൽ ആഘോഷങ്ങളിൽ ക്നാനായ പത്രത്തിനു വേണ്ടി ജിമ്മി കുന്നശ്ശേരി (ക്നാനായ പത്രം മാനേജിങ് ഡയറക്ടർ ) അരുൺ പടപുരക്കൽ(ക്നാനായ പത്രം പി ആർ ഓ), ജോയി ഐത്തിൽ, രാജേഷ് ,വിപിൻ, എൽബിൻ എന്നിവർ പങ്കെടുത്തു. തദവസരത്തിൽ പിയു തോമസ് ചേട്ടൻറെ മഹനീയ സാന്നിധ്യത്തിൽ നവജീവൻ ട്രസ്റ്റിൽ വെച്ച് ക്നാനായ പത്രം ടീം ഒന്ന് ചേർന്ന് പത്താം വാർഷികത്തിന്റെ പേരിൽ പ്രത്യേകമായി തയ്യാറാക്കിയ കേക്ക് മുറിച്ച് പത്രം പത്താം വാർഷിക ആഘോഷങ്ങൾക്ക് തുടക്കമായി .സമൂഹത്തിലെ അറ്റത്തേക്കു തള്ളപ്പെട്ടവരുടെ വേദനകൾ കണ്ടില്ലെന്ന് നടിക്കുന്ന കാലത്ത്, അവരോടൊപ്പം സമയം ചെലവഴിക്കുകയും സ്നേഹം പങ്കുവെക്കുകയും ചെയ്യുന്നത് വലിയൊരു സാമൂഹിക പ്രഖ്യാപനമാണ് എന്ന് നവജീവൻ ഡയറക്ടർ പി.യു. തോമസ് ചേട്ടൻ അഭിപ്രായപ്പെട്ടു . മാധ്യമധർമം വെറും വാർത്തകളിൽ ഒതുങ്ങുന്ന ഒന്നല്ലെന്നും, മനുഷ്യജീവിതങ്ങളോട് ചേർന്നു നിൽക്കുന്ന ഒരു ദൗത്യമാണെന്നും അദ്ദേഹം ഓർമിപ്പിച്ചു .
പത്തുവർഷങ്ങളായി സത്യസന്ധതയും മൂല്യബോധവും കൈമുതലാക്കി മുന്നേറുന്ന ക്നാനായ പത്രത്തിന്റെ യാത്രയിൽ, ഈ പത്താം വാർഷികാഘോഷം ക്നാനായ പത്രത്തിന് മൈൽക്കല്ലായി മാറുന്നു. ആഘോഷങ്ങളുടെ തിളക്കത്തിൽ അശരണരെ മറക്കാതെ, അവരുടെ ജീവിതത്തിലേക്ക് പ്രതീക്ഷയുടെ ഒരു വിളക്ക് തെളിയിക്കാൻ കഴിയുമ്പോഴാണ് ഒരു മാധ്യമത്തിന്റെ വിജയം പൂർണമാകുന്നത് എന്ന് ഞങ്ങൾ വിശ്വസിക്കുന്നു ഈ 10 വർഷത്തെ യാത്രയിൽ പലപ്പോഴായി അത് പാലിക്കുവാൻ ശ്രമിച്ചിരുന്നു ക്നാനായ പത്രം ശ്രമിച്ചിരുന്നു.
ഇനിയും സമൂഹത്തിന്റെ മനസ്സാക്ഷിയായി, വാക്കുകളുടെ ശക്തിയിലൂടെ മനുഷ്യത്ത്വം ഉയർത്തിപ്പിടിക്കുന്ന ദൗത്യം ക്നാനായ പത്രം തുടരുമെന്ന പ്രതീക്ഷയോടെയാണ് ഈ പത്താം വാർഷികം ചരിത്രത്തിലേക്ക് ചേർക്കപ്പെടുന്നത്.
*ഇവരിൽ ഏറ്റവും ചെറിയവരിലൊരാളോട് ചെയ്തത് എനിക്കുതന്നെ ചെയ്തതാണ്”*
ക്രിസ്തുവിന്റെ ഈ വാക്കുകൾക്കാണ് ക്നാനായ പത്രം തന്റെ പത്താം വാർഷികാഘോഷത്തിലൂടെ ജീവൻ നൽകിയത്. അശരണരോടൊപ്പം ചേർന്ന്, നവജീവൻ ഡയറക്ടർ പി.യു. തോമസിനൊപ്പം ആഘോഷം പങ്കു വച്ചപ്പോൾ , ഒരു ചടങ്ങല്ല—ഒരു ക്രിസ്തീയ സാക്ഷ്യമാണ്.
ആഘോഷങ്ങൾ സ്വയംപ്രശംസയിലേക്കു വഴുതുന്ന കാലത്ത്, ദരിദ്രരെയും അവഗണിക്കപ്പെട്ടവരെയും കേന്ദ്രത്തിലാക്കി നടത്തുന്ന ഈ വാർഷികാഘോഷം, സുവിശേഷത്തിന്റെ ഹൃദയഭാഗത്തേക്കുള്ള മടങ്ങിവരവാണ്. “സഹോദരനോടുള്ള സ്നേഹത്തിലൂടെയാണ് ദൈവസ്നേഹം വെളിപ്പെടുന്നത്” എന്ന ക്രിസ്തീയ സാമൂഹികബോധത്തിന്റെ ജീവൻതുടിപ്പാണ് ഈ പ്രവർത്തിയിൽ കാണുന്നത്.
വാർത്തകൾ എഴുതുന്നതിലൊതുങ്ങുന്ന ഒന്നല്ല മാധ്യമധർമ്മം. നീതിക്കായി ശബ്ദമുയർത്തുകയും, കരുണ പ്രവർത്തിയാക്കുകയും, നിസ്സഹായരുടെ വശത്ത് ഉറച്ചുനിൽക്കുകയും ചെയ്യുന്നതാണ് അതിന്റെ യഥാർത്ഥ വിളി എന്നത് ഞങ്ങൾ മനസ്സിലാക്കുന്നു. അശരണരോടൊപ്പം നിൽക്കാൻ ക്നാനായ പത്രം എടുത്ത ഈ നിലപാട്, സഭയും സമൂഹവും ഒരുപോലെ ആത്മപരിശോധനയ്ക്ക് വിധേയമാക്കുന്ന സന്ദേശമാണ്.
പത്തുവർഷത്തെ യാത്രയിൽ ക്നാനായ പത്രം നേടിയത് വായനക്കാരുടെ എണ്ണം മാത്രമല്ല; വിശ്വാസ്യതയും മനസ്സാക്ഷിയും കൂടിയാണ്. ക്രിസ്തുവിന്റെ സ്നേഹം സാമൂഹിക ഉത്തരവാദിത്വമായി മാറുമ്പോഴാണ് ക്രിസ്തീയ മാധ്യമങ്ങൾ തങ്ങളുടെ ദൗത്യം നിറവേറ്റുന്നത്. ആ ദൗത്യത്തിന്റെ തെളിവായി ഈ പത്താം വാർഷികത്തെ ഞങ്ങൾ നോക്കിക്കാണുന്നു ഒരിക്കൽക്കൂടി ഞങ്ങൾക്ക് പിന്തുണ നൽകുന്ന എല്ലാ വായനക്കാർക്കും ഹൃദയം നിറഞ്ഞ നന്ദി
