knanayapathram 
കോട്ടയം: മധ്യകേരളത്തിന്റെ കാര്ഷിക ഉത്സവമായി കോട്ടയം അതിരൂപതയുടെ സാമൂഹ്യസേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് സംസ്ഥാന കൃഷി വകുപ്പിന്റെ പങ്കാളിത്തത്തോടെ സംഘടിപ്പിച്ച 23-ാമത് ചൈതന്യ കാര്ഷികമേളയ്ക്കും സ്വാശ്രയസംഘ മഹോത്സവത്തിനും ജനകീയ പരിസമാപ്തി. ഏഴ് ദിനങ്ങളിലായ നടത്തപ്പെട്ട മേളയില് പതിനായിരക്കണക്കിന് ആളുകളാണ് സന്ദര്ശകരായി എത്തിയത്. മേളയുടെ സമാപന സമ്മേളനത്തിന്റെ ഉദ്ഘാടനം സഹകരണ രജിസ്ട്രേഷന് സാംസ്ക്കാരിക സിനിമാ വകുപ്പ് മന്ത്രി വി.എന് വാസവന് നിര്വ്വഹിച്ചു. കോട്ടയം അതിരൂപത മെത്രപ്പോലീത്ത മാര് മാത്യു മൂലക്കാട്ട് ചടങ്ങില് അദ്ധ്യക്ഷത വഹിച്ചു. സമ്മേളനത്തോടനുബന്ധിച്ച് മുകളേല് മത്തായി ലീലാമ്മ സംസ്ഥനതല കര്ഷക കുടുംബ പുരസ്ക്കരം കോട്ടയം ജില്ലയിലെ കുറിച്ചിത്താനം സ്വദേശി പ്രദീപ്കുമാര് എസിനും കുടുംബത്തിനും വിദ്യാഭ്യാസ വകുപ്പ് മന്ത്രി വി. ശിവന്കുട്ടി സമ്മാനിച്ചു. കൂടാതെ കെ.എസ്.എസ്.എസ് ഭിന്നശേഷിക്കാര്ക്കായി നടപ്പിലാക്കുന്ന സമൂഹാധിഷ്ഠിതപുനരധിവാസ പദ്ധതി സില്വര് ജൂബിലി ക്ഷേമ പ്രവര്ത്തനങ്ങളുടെ ഉദ്ഘാടനവും വിദ്യാഭ്യാസ വകുപ്പ് മന്ത്രി നിര്വ്വഹിച്ചു. കോട്ടയം അതിരൂപത വികാരി ജനറാള് വെരി. റവ. ഫാ. മൈക്കിള് വെട്ടിക്കാട്ട് അനുഗ്രഹ പ്രഭാഷണം നടത്തി. ജോസ് കെ. മാണി എം.പി, തോമസ് ചാഴികാടന് എം.പി, സംസ്ഥാന പ്ലാനീംഗ് ബോര്ഡ് കാര്ഷിക സഹകരണ ജലസേചന വിഭാഗം മേധാവി എസ്.എസ്. നാഗേഷ്, തൃശ്ശൂര് സിറ്റി അഡീഷണല് സൂപ്രണ്ടന്റ് ഓഫ് പോലീസ് ബിജു കെ. സ്റ്റീഫന് എന്നിവര് വിശിഷ്ഠാതിഥികളായി പങ്കെടുത്തു. കെ.എസ്.എസ്.എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര് കോട്ടയം മെഡിക്കല് കോളേജ് സൂപ്രണ്ട് ഡോ. ജയകുമാര് റ്റി.കെ, കോട്ടയം അതിരൂപത പ്രൊക്കുറേറ്റര് റവ. ഫാ. അലക്സ് ആക്കപ്പറമ്പില്, ചൈതന്യ പ്രോഗ്രാം കോര്ഡിനേറ്റര് സിസ്റ്റര് ഷീബ എസ്.വി.എം എന്നിവര് പ്രസംഗിച്ചു. സംസ്ഥാന ന്യൂനപക്ഷ വികസന ധനകാര്യ കോര്പ്പറേഷന് ചെയര്മാന് സ്റ്റീഫന് ജോര്ജ്ജ് എക്സ്. എം.എല്.എ, അതിരമ്പുഴ ഗ്രാമപഞ്ചായത്ത് പ്രസിഡന്റ് സജി തടത്തില്, ഏറ്റുമാനൂര് മുനിസിപ്പാലിറ്റി ചെയര്പേഴ്സണ് ലൗലി ജോര്ജ്ജ്, കോട്ടയം ജില്ലാ പഞ്ചായത്ത് മെമ്പര് ഡോ. റോസമ്മ സോണി എന്നിവര് ചടങ്ങില് സന്നിഹിതരായിരുന്നു.
