കോട്ടയം അതിരൂപതയിലെ വിവിധ റീജിയണുകളും ഫൊറോനകളുമായി നടത്തപ്പെടുന്ന സൗഹൃദ സംഭാക്ഷണ സംഗമ വേദിയായ “SPALANCATE” യുടെ 9- മത് മീറ്റിംഗ് സെപ്റ്റംബർ20 – നു ഞായറാഴ്ച ഉച്ചകഴിഞ്ഞ് 5 മണിക്ക്കടുത്തുരുത്തി ഫൊറോനയിലെ യുവജനങ്ങളുമായി ഓൺലൈനായി സൂമിലൂടെ നടത്തപ്പെടുന്നു. പ്രസ്തുത യോഗത്തിന് അതിരൂപത ജനറൽ സെക്രട്ടറി ബോഹിത് ജോൺസൺ നാക്കോലിക്കരയിൽ സ്വാഗതം ആശംസിക്കും. അതിരൂപത പ്രസിഡന്റ് ലിബിൻ ജോസ് പാറയിൽ അധ്യക്ഷത വഹിക്കുന്ന യോഗം, കടുത്തുരുത്തി ഫൊറോന പ്രസിഡന്റ് അമിത് ജോയ്സ് ഉദ്ഘാടനം നിർവ്വഹിക്കും. കടുത്തുരുത്തി ഫൊറോന വികാരി ഫാ. അബ്രാഹം പറമ്പേട്ട് ആമുഖസന്ദേശം നൽകും. മുൻ അതിരൂപത പ്രസിഡന്റ് ബെന്നി പാറയിൽ മുഖ്യാതിഥിയായിരിക്കുകയും, കടുത്തുരുത്തി ഫൊറോന ചാപ്ലയിൻ ഫാ. ഫിലിപ്പ്‌ രാമച്ചാനാട്ട് അനുഗ്രഹ പ്രഭാഷണം നൽകും. തുടർന്നുള്ള ചർച്ചകൾക്ക് അതിരൂപത ചാപ്ലയിൻ ഫാ. ചാക്കോ വണ്ടൻകുഴിയിൽ നേതൃത്വം നൽകും. കെ.സി.വൈ.എൽ കോട്ടയം അതിരൂപത വൈസ് പ്രസിഡന്റ് ജോസുകുട്ടി ജോസഫ് താളിവേലിൽ യോഗത്തിന് കൃതജ്ഞത അർപ്പിക്കും. പരിപാടിയിൽ കെ.സി.വൈ.എൽ അതിരൂപത, കടുത്തുരുത്തി ഫൊറോന സമിതി അംഗങ്ങളും, കടുത്തുരുത്തി ഫൊറോനയിലെ വിവിധ ഇടവകളിൽനിന്നുമുള്ള യുവജനങ്ങളും പങ്കെടുക്കും.
