ഒർലാണ്ടോ: താമ്പാ ക്നാനായ കത്തോലിക്കാ ഫൊറോനാ ബൈബിൾ കാലോത്സവം നവംബർ 23 ശനിയാഴ്ച്ച നടത്തപ്പെടും. ഒർലാണ്ടോ സെന്റ് സ്റ്റീഫൻസ് ക്നാനായ കത്തോലിക്കാ ഇടവക പരിപാടികൾക്ക് ആതിഥേയത്വം വഹിചക്കും.
അന്നേദിവസം രാവിലെ 9.30 ന് വിശുദ്ധ കുര്ബാനയോടു കൂടി ബൈബിൾ കാലോത്സവത്തിന് തുടക്കമാകും. ചിക്കാഗോ രൂപതാ വികാരി ജനറാളും ക്നാനായ റീജിയണൽ ഡയറക്ടറുമായ ഫാ. തോമസ് മുളവനാൽ കാലോത്സവം ഉദ്ഘാടനം ചെയ്യും. തുടർന്ന് ബൈബിൾ പ്രതിഷ്‌ഠയും നടത്തും.
തുടർന്ന് ഇരുനൂറ്റമ്പതോളം കലാ പ്രതിഭകൾ വിവിധ സ്റ്റേജുകളിലായി 26 മത്സരയിനങ്ങളിൽ മാറ്റുരക്കും. താമ്പ ഫൊറോനായുടെ കീഴിലുള്ള അറ്റ്ലാന്റ, മിയാമി, ഒർലാണ്ടോ, താമ്പ തുടങ്ങിയ ഇടവകളിൽ നിന്നുള്ള ആളുകൾ കാലോത്സവത്തിൽ പങ്കാളികളാകും.
ഫാ. ജോസ് ആദോപ്പിള്ളിൽ, ഫാ. ജോസ് ചിറപുറത്ത്, ഫാ. സജി പിണർകയിൽ, ഫാ. ജോബി പൂച്ചുകണ്ടത്തിൽ, സിജോയ് പറപ്പള്ളിൽ, ദീപക് മുണ്ടുപാലത്തിങ്കൽ, ജോൺസൻ കണ്ണാംകുന്നേൽ, ജോസഫ് പതിയിൽ, ജൂലി ചിറയിൽ, ഫിലിപ്പ് വെള്ളാപ്പള്ളിക്കുഴിയിൽ, റെനി പച്ചിലമാക്കിൽ, സാലി കുളങ്ങര, സിസ്റ്റർ സാന്ദ്രാ എസ്.വി.എം., സുബി പനംതാനത്ത് എന്നിവരുടെ നേതൃത്വത്തിൽ വിവിധ കമ്മിറ്റികൾ പരിപാടിയുടെ വിജയത്തിനായി പ്രവർത്തിച്ചു വരുന്നു.
