ഫിലാഡെൽഫിയ ക്‌നാനായ മിഷൻ പ്രഥമ ദിവ്യകാരുണ്യ സ്വീകരണം നടത്തപ്പെട്ടു

ഫിലാഡെൽഫിയ സെൻ്റ് ജോൺ ന്യൂമാൻ ക്നാനായ മിഷനിൽ അഞ്ച് കുട്ടികളുടെ പ്രഥമ ദിവ്യകാരുണ്യ സ്വീകരണവും മൂന്ന് കുട്ടികളുടെ സ്ഥൈര്യലേപനവും നടത്തപ്പെട്ടു. അലൻ , ബ്രയൻ , ഡേവിഡ് വിളങ്ങാട്ടുശ്ശേരിൽ, ജയ്ക്ക് തയ്യിൽ , തോമസ്സ് നെടുമാക്കൽ, ബെല്ലാ നെടുംമാക്കൽ എന്നീ കുട്ടികൾക്കാണ് പ്രഥമ ദിവ്യകാരുണ്യ സ്വീകരണം നടത്തപ്പെട്ടത്. തിരുകർമ്മങ്ങൾക്ക് റോക്ക് ലാൻഡ് സെൻ്റ് മേരീസ് ക്‌നാനായ പള്ളി വികാരി ഫാ. ബിബി തറയിൽ നേതൃത്വം നൽകി. തിരുകർമ്മങ്ങൾക്ക് ശേഷം എല്ലാവർക്കും സ്നേഹവിരുന്നും ക്രമീകരിച്ചു.