പ്രഥമ ദിവ്യകാരുണ്യ സ്വീകരണം നടത്തപ്പെട്ടു

ന്യൂ ജേഴ്സി ക്രിസ്തുരാജ ക്നാനായ കത്തോലിക്ക ദൈവാലയം രൂപം കൊണ്ടതിന് ശേഷം ആദ്യമായിട്ട് പ്രഥമ ദിവ്യകാരുണ്യ സ്വീകരണം നടത്തപ്പെട്ടു. അലീഷ & ലിയോണ പോളപ്രായിൽ എന്ന രണ്ട് കുട്ടികളുടെ ആദി കുർബ്ബാന സ്വീകരണം ഇടവക സമൂഹത്തിന് ഏറെ സന്തോഷത്തിന്റെ മുഹൂർത്തമായിരുന്നു . സന്തോഷ സൂചകമായി ഇടവക സമൂഹം കുട്ടികൾക്ക് പ്രത്യേക സമ്മാനങ്ങൾ നൽകി . കുട്ടികളുടെ പാട്ടും ഡാൻസും ഏവരെയും ഏറെ ആകർഷിച്ചു. സ്വന്തമായി ഒരു ഇടവക എന്ന സ്വപ്ന സാക്ഷാത്കാരത്തിന് ശേഷം ആദ്യമായി നടന്ന പ്രഥമ ദിവ്യകാരുണ്യ സ്വീകരണം കുട്ടികൾക്കും മാതാപിതാക്കൾക്കും ഒരു പുത്തൻ ചൈതന്യം പകർന്നു.