knanayapathram 
കോട്ടയം: ഓണത്തോടനുബന്ധിച്ച് കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെയും അജപാലന കേന്ദ്രമായ ചൈതന്യയുടെയും സംയുക്താഭിമുഖ്യത്തില് ഓണാഘോഷം സംഘടിപ്പിച്ചു. തെള്ളകം ചൈതന്യയില് സംഘടിപ്പിച്ച ഓണാഘോഷ പരിപാടികളുടെ ഉദ്ഘാടനം തിരുവഞ്ചൂര് രാധാകൃഷ്ണന് എം.എല്.എ നിര്വ്വഹിച്ചു. കോട്ടയം ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി, കോട്ടയം സോഷ്യല് സര്വ്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, അസി. ഡയറക്ടര് ഫാ. സിറിയക് ഓട്ടപ്പള്ളില്, കോട്ടയം മുനിസിപ്പില് ചെയര്പേഴ്സണ് ബിന്സി സെബാസ്റ്റ്യന്, ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ്, കോട്ടയം ജില്ലാപഞ്ചായത്ത് മെമ്പര്മാരായ ഡോ. റോസമ്മ സോണി, പി.എം മാത്യു, കോട്ടയം മുനിസിപ്പല് കൗണ്സിലര് സാബു മാത്യു എന്നിവര് ചടങ്ങില് സന്നിഹിതരായിരുന്നു. ഓണാഘോഷ പരിപാടികളുടെ ഭാഗമായി വിവിധ മത്സരങ്ങളും കലാപരിപാടികളും ഓണപ്പൂക്കളവും ഓണസദ്യയും ക്രമീകരിച്ചിരുന്നു.
