ബംഗളൂർ: സ്വർഗ്ഗറാണി ക്നാനായ കത്തോലിക്കാ ഫോറോനാ ദേവാലയത്തിന്റെ സിൽവർജൂബിലിയോടനുബന്ധിച്ച് മോൺ.ജേക്കബ് വെള്ളിയാൻഅച്ചന്റെ ഓർമക്കായി നടത്തിയ ദേശീയ തലത്തിലുള്ള മാർഗം കളി മത്സരം ഫൊറോന വികാരി ഫാ.ഷിനോജ് വെള്ളായ്ക്കൽ അധ്യക്ഷത വഹിച്ച യോഗത്തിൽ റവ.ഡോ. ജോയി കറുകപ്പറമ്പിൽ ഉൽഘാടനം ചെയ്തു. പ്രശസ്ത മാർഗം കളി ആശാൻ ശ്രീ. പത്മകുമാർ , സ്വർഗ്ഗ റാണി സ്കൂൾ മാനേജർ സിസ്റ്റർ സോളി SVM തുടങ്ങിയവർ ആശംസകൾ അർപ്പിക്കുകയും, പ്രോഗ്രാം കൺവീനർ ശ്രീ. സൈമൺ കല്ലിടുക്കിൽ സ്വാഗതവും, ജൂബിലി കൺവീനർ ശ്രീ. ജോമി തെങ്ങനാട്ട് നന്ദിയും അറിയിച്ചു.
കേരളത്തിൽനിന്നുൾപ്പടെ നിരവധി പ്രഗത്ഭരായ ടീമുകൾ മാറ്റുരച്ച ദേശീയതല മത്സരത്തിൽ സെയിന്റ് ജോസഫ് ചർച്ച് ബാബുസാഹിബ് പാളയ ബാംഗ്ലൂർ ഒന്നാം സമ്മാനവും, സെയിന്റ് തോമസ് ചർച്ച് പുന്നത്തുറ രണ്ടാം സമ്മാനവും, സെയിന്റ് മേരീസ് ചർച്ച് കൂടല്ലുർ മൂന്നാം സമ്മാനവും, സെയിന്റ് മേരീസ് ഫോറോന ചർച്ച് ചുങ്കം നാലാം സമ്മാനവും, ലൂർദ് മാതാ ചർച്ച് മടംബം അഞ്ചാം സമ്മാനവും കരസ്ഥമാക്കി. സമ്മാനത്തിന് അർഹരായ എല്ലാ ടീമുകൾക്കും ട്രോഫിയും, ക്യാഷ് അവാർഡും, സർട്ടിഫിക്കറ്റും വിതരണം ചെയ്തു. പരിപാടികൾക്ക് ജൂബിലി കമ്മിറ്റി അംഗങ്ങളും,
പാരിഷ് കൗൺസിൽ അംഗങ്ങളും നേതൃത്വം നൽകി.
