അബുദാബി : കെ സി എസ് എൽ അബുദാബി യൂണിറ്റിന്റെ 2024 പ്രവർത്തനവർഷ ഉദ്ഘാടനവും വിദ്യാർത്ഥി സംഗമവും *”കൊയ്നോനിയ-2024″*
എന്ന പേരിൽ 24 ജൂലൈ 19-ാം തീയതി വെള്ളിയാഴ്ച അബുദാബി മുസഫയിലുള്ള കടായി ഹോട്ടലിൽ വെച്ച് പ്രൗഡഗംഭീരമായി നടത്തപ്പെട്ടു. കെ.സി.എസ്.എൽ അബുദാബി യൂണിറ്റ് പ്രസിഡൻ്റ് മാസ്റ്റർ സ്റ്റീയോ സ്റ്റാനി അധ്യക്ഷത വഹിച്ച ഉദ്ഘാടന സമ്മേളനത്തിൽ അബുദാബി ക്നാനായ കുടുംബയോഗം പ്രസിഡൻ്റ്
ശ്രീ.റോയ്.കെ.തോമസ് ഉദ്ഘാടനകർമ്മം നിർവഹിച്ചു സംസാരിച്ചു.
കെ.സി.സി യു.എ.ഇ ജനറൽ സെക്രട്ടറി
ശ്രീ.ബിനോയ് തോമസ് പാറയിൽ ,കെ.സി.വൈ.എൽ യു.എ.ഇ പ്രസിഡന്റ് ശ്രീ.അനിറ്റ് ചാക്കോ കിഴക്കേആക്കൽ കെ.സി.ഡബ്ലിയു.എ പ്രതിനിധി ശ്രീമിതി എൽസി ബിനോയ് എന്നിവർ പരിപാടികൾക്ക് ആശംസയറിയിച്ച് സംസാരിച്ചു. പരിപാടികൾക്ക് കെ.സി.എസ്.എൽ യൂണിറ്റ് അഡ്വൈസർ ശ്രീ.ജോസഫ് മാത്യുവിന്റെ നേതൃത്വത്തിൽ യൂണിറ്റ് ഭാരവാഹികളായ ദർശ മനോജ്, ആര്യൻ ജോഷി, കരോളിൻ ജെയിംസ് എന്നിവർ പരിപാടികൾക്ക് നേതൃത്വം നൽകി. തുടർന്ന് കെ.സി.എസ്.എൽ അംഗങ്ങളുടെ വിവിധ കലാപരിപാടികളും നടത്തപ്പെട്ടു. അബുദാബി കുടുംബയോഗം അംഗങ്ങളുടെ പൂർണ്ണ പിന്തുണയും സഹകരണവും ഈ പരിപാടിക്ക് മുതൽക്കൂട്ടായി ഏകദേശം 200 ഓളം ആളുകൾ പങ്കെടുത്ത ഉദ്ഘാടന സമ്മേളനം സ്നേഹവിരുന്നോടുകൂടി അവസാനിച്ചു. 
