കെ.സി.വൈ.എൽ. കടുത്തുരുത്തി ഫൊറോനയുടെ 2024 വർഷത്തെ യുവജന ദിനാഘോഷം കരിപ്പാടം സെൻറ് മേരിസ് ക്നാനായ ദേവാലയ അങ്കണത്തിൽ വച്ച് 2024 ജൂലൈ 28 ഞായറാഴ്ച വിവിധ പരിപാടികളോട് കൂടി നടത്തപ്പെട്ടു. കരിപ്പാടം യൂണിറ്റ് ഡയറക്ടർ സണ്ണി വടക്കേപറമ്പിൽ പതാക ഉയർത്തുകയും തുടർന്ന് യൂണിറ്റ് പ്രസിഡൻറ് ജോർജുകുട്ടി ഷാജി ചെഞ്ചിട്ടയിൽ പ്രതിജ്ഞ ചൊല്ലി കൊടുക്കുകയും ചെയ്തു.
കെ.സി.വൈ.എൽ. ഫൊറോന പ്രസിഡന്റ് അരുൺ സണ്ണി മുകളേലിൻ്റ അധ്യക്ഷതയിൽ ചേർന്ന പൊതുസമ്മേളനത്തിൽ കരിപ്പാടം യൂണിറ്റ് വികാരി ഫാ. ഫിലിപ്പ് ആനിമൂട്ടിൽ സ്വാഗതം അർപ്പിക്കുകയും ഫൊറോന ചാപ്ലിൻ ഫാ. ഫിലിപ്പ് രാമച്ചനാട്ട് ആമുഖ പ്രഭാഷണം നടത്തുകയും ചെയ്തു. ഫൊറോന വികാരി ഫാ. തോമസ് ആനിമൂട്ടിൽ യോഗം ഉദ്ഘാടനം ചെയ്തു. കെ.സി.വൈ.എൽ കോട്ടയം അതിരൂപത ചാപ്ലിൻ ഫാ. ടിനേഷ് പിണർക്കയിൽ, അതിരൂപത ഡയറക്ടർ ഷെല്ലി ആലപ്പാട്ട്, അതിരൂപത ജനറൽ സെക്രട്ടറി അമൽ സണ്ണി വെട്ടക്കുഴിയിൽ, മുൻ അതിരൂപത പ്രസിഡന്റ് ജോൺ പൂച്ചാക്കാട്ട്, കെ.സി.സി. കരിപ്പാടം യൂണിറ്റ് പ്രസിഡൻ്റ് ജോമോൻ വെളുത്തെടുത്തുമലയിൽ എന്നിവർ ആശംസകൾ അർപ്പിച്ചു സംസാരിച്ചു. കെ.സി.വൈ.എൽ. ഫൊറോന സെക്രട്ടറി മരീന ടോജി കണികുളത്തേൽ സമ്മേളനത്തിന് നന്ദി അർപ്പിച്ചു. തുടർന്ന് ടീം കട്ടുറുമ്പ് നേതൃത്വം നൽകിയ ഗ്രൂപ്പ് ഇൻട്രാക്ടീവ് സെക്ഷൻ നടത്തപ്പെട്ടു. വിവിധ ഇടവകകളിൽ നിന്നുള്ള യുവജനങ്ങളുടെ കലാപരിപാടികളും, മ്യൂസിക്കൽ ഇവന്റിനും, സ്നേഹവിരുന്നിനും ശേഷം പരിപാടി അവസാനിച്ചു.
കെ.സി.വൈ.എൽ. ഫൊറോന വൈസ് പ്രസിഡൻ്റ് ജോസ്റ്റൻ സോജൻ കരിശ്ശേരിക്കൽ, ജോയിൻ സെക്രട്ടറി നിജിൻ ജോസ് മാരിയിൽ, ട്രഷറർ അഖില ബിനു കുഴിപ്പിൽ, അഡ്വൈസർ സിസ്റ്റർ ഹൃദ്യ, കരിപ്പാടം യൂണിറ്റ് കെ.സി.വൈ.എൽ., കെ.സി.സി., കെ,സി.ഡബ്ല്യു.എ., എന്നിവർ പരിപാടിക്ക് നേതൃത്വം കൊടുത്തു.
