സക്കറിയ പുത്തൻകുളം
ക്നാനായ സമുദായ വികാരം നെഞ്ചിലേറ്റി വിശ്വാസ പൈതൃകം മുറുകെ പിടിച്ചു കുമരകം സൈന്റ്റ് ജോൺസ് നെപുംസ്യാനോസ് ഇടവക പൊതുയോഗ തീരുമാന പ്രകാരം ക്നാനായ സമുദായത്തിന്റെ ഗോത്രപിതാവ് ക്നായി തോമയുടെ വെങ്കല പ്രതിമ ഈ ഞായറാഴ്ച ഉച്ചകഴിഞ്ഞു മൂന്നരയിക് കുമരകം ദേവാലയാങ്കണത്തിൽ സ്ഥാപിക്കും .കുമരകം ചന്തക്കവലയിൽ ഉള്ള കുരിശു പള്ളിയിൽ ഇടവക ജനങ്ങൾ ഒന്നുചേർന്ന് ക്നായി തോമയുടെ വെങ്കല പ്രതിമയെ സ്വീകരിക്കും .തുടർന്ന് അലങ്കരിച്ച പായിക്കപ്പലിൽ മാർഗംകളി , പരിചമുട്ടുകളി , ബാൻഡ്സെറ് , ചെണ്ടമേളം , നെറ്റിപ്പട്ടം കെട്ടിയ ഗജവീരൻ , കുതിരകൾ ,ചുണ്ടൻ വള്ളം ,തലപ്പാവ് ധരിച്ച പുരുഷ കേസരികൾ , പാരമ്പര്യ ക്രൈസ്തവ വസ്ത്രമായ ചട്ടയും മുണ്ടും ധരിച്ച വനിതകൾ എന്നിങ്ങനെയുള്ള വർണ്ണശബളമായ ഘോഷയാത്ര യോടെ ക്നായി തോമയുടെ പ്രതിമ ദേവാലയാങ്കണത്തിലേയ്ക് സ്വീകരിച്ചു ആനയിക്കും .തുടർന്ന് കത്തോലിക്ക – ക്നാനായ സമുദായ ഐക്യദാർഢ്യ പ്രതിജ്ഞയിക് ശേഷം വെങ്കല പ്രതിമ സ്ഥാപിക്കും.പൊതുയോഗം തെരെഞ്ഞെടുത്ത 16 അംഗ കമ്മിറ്റിയുടെ മേൽനോട്ടത്തിൽ ആണ് ആഘോഷപരിപാടികൾ അരങ്ങേറുന്നത് .പ്രതിമ സ്ഥാപനത്തിന് ശേഷം കലാപരിപാടികളും സ്‌നേഹവിരുന്നും നടത്തപ്പെടും .
ക്നായി തോമ പ്രതിമ സ്ഥാപനത്തിന്റെ വിശദമായ ലൈവ് കവറേജ്, ക്നാനായ പത്രത്തിലൂടെ ലോകമെങ്ങും ഉള്ളവർക്ക് വീക്ഷിക്കാവുന്നതാണ് .
