കുവൈറ്റ് ക്നാനായ കൾച്ചറൽ അസോസിയേഷന്റെ വനിതാ വിഭാഗമായ വിമൻസ് ഫോറത്തിന്റെ ഔദ്യോഗിക ഉദ്ഘാടനം മാർച്ച് 25 വെള്ളിയാഴ്ച അബ്ബാസിയ ഹെവൻസ് ഓഡിറ്റോറിയത്തിൽ വച്ച് നടത്തപെടും. കുട്ടികളുടെയും യുവജനങ്ങളുടെയും സംഘടനക്ക് ശേഷം കെ കെ സി എ യുടെ മൂന്നാമത്തെ പോഷക സംഘടനയായിട്ടാണ് വനിതകൾക്കായുള്ള സംഘടന രൂപീകരിച്ചിട്ടുള്ളത്. വെള്ളിയാഴ്ച വൈകിട്ട് നാലിന് നടക്കുന്ന ഉദ്ഘാടന ചടങ്ങിൽ കാർമൽ സ്കൂൾ പ്രിൻസിപ്പൽ സിസ്റ്റർ ക്രിസ്റ്റി മരിയ മുഖ്യാതിഥിയായി പങ്കെടുക്കും. കെ കെ സി എ പ്രസിഡന്റ് ജയേഷ് ഓണശ്ശേരിൽ അദ്ധ്യക്ഷത വഹിക്കും.വിമൻസ് ഫോറത്തിന്റെ യൂണിറ്റ് കോഓർഡിനേറ്റർമാർ , വനിതാ ജോയിന്റ് കൺവീനർമാർ, അക്ഷരദീപം ടീച്ചേഴ്സ്, കെ കെ സി എ മുൻകാല ഭാരവാഹികൾ, കെ കെ സി എ ജന. സെക്രട്ടറി ബിജോ മൽപാങ്കൽ, ട്രഷറർ ജോസ്കുട്ടി പുത്തൻതറ, വൈസ് പ്രസിഡന്റ് ബിനോ കദളിക്കാട്ട്, ജോയിന്റ് സെക്രട്ടറി അനീഷ് എം ജോസ് , ജോയിന്റ് ട്രഷറർ വിനിൽ തോമസ് എന്നിവരോടൊപ്പം നിലവിലെ ഭരണസമിതി അംഗങ്ങളും ചടങ്ങിൽ പങ്കെടുക്കും. വിമൻസ് ഫോറത്തിന്റെ പ്രഥമ ഭാരവാഹികളെ ഉദ്ഘാടന ചടങ്ങിന് മുന്നോടിയായി നടക്കുന്ന വിമൻസ് ഫോറത്തിന്റെ യോഗത്തിൽ വെച്ച് തിരഞ്ഞെടുക്കും.