ക്നാനായ കാത്തലിക് യൂത്ത് മിനിസ്ട്രി കോൺഫറൻസ്(REDISCOVER) രജിട്രേഷൻ കിക്കോഫിന് ചിക്കാഗോ സെന്റ് മേരീസിൽ തുടക്കം.

ന്യൂജേസി: ക്നാനായ കാത്തലിക് യൂത്ത് മിനിസ്ട്രി സമ്മർ കോൺഫറൻസ് “റീഡിസ്കവർ” രജിസ്ട്രേഷനുള്ള കിക്ക് ഓഫ് മാർച്ച് 27 ഞായറാഴ്ച ചിക്കാഗോ സെന്റ് മേരീസ് ക്നാനായ കാത്തലിക് ചർച്ചിൽ വിശുദ്ധ കുർബാനയ്ക്ക് ശേഷം നടത്തി. ചിക്കാഗോ യൂത്ത് മിനിസ്ട്രിയുടെ നേതൃത്വത്തിൽ പൂരിപ്പിച്ച രജിസ്‌ട്രേഷൻ ഫോമുകൾ ഇടവക അസി.വികാരി റവ. ഫാ. ജോസഫ് തച്ചാറയ്ക്ക് സമർപ്പിച്ചു..
യൂത്ത് മിനിസ്ട്രി കോർഡിനേറ്റർമാരും കോൺഫറൻസിന്റെ വിശദാംശങ്ങളും ലക്ഷ്യങ്ങളും വിശദീകരിക്കുകയും ഈ സമ്മേളനത്തിൽ പങ്കെടുക്കാൻ യുവജനങ്ങളെ പ്രോത്സാഹിപ്പിക്കണമെന്ന് മാതാപിതാക്കന്മാരോട് അഭ്യർത്ഥിക്കുകയും ചെയ്തു. ന്യൂയോർക്കിൽ ജൂൺ-16 മുതൽ ജൂൺ 19 വരെ ഷെഡ്യൂൾ ചെയ്ത “റെഡിസ്കവർ”, ക്നാനായ റീജിയണിലെ എല്ലാ യുവാക്കളെയും ബന്ധിപ്പിക്കുന്ന ആദ്യത്തെ കോൺഫറൻസാണ്.