ചിക്കാഗോ: ചെറുപുഷ്പ മിഷൻ ലീഗ് ക്നാനായ കത്തോലിക്കാ റീജിയണൽ കമ്മിറ്റിയുടെ പ്രസിദ്ധീകരണമായ മിഷൻ ടൈംസ് പ്രകാശനം ചെയ്തു. ചിക്കാഗോ രൂപത വികാരി ജനറാളും ക്നാനായ റീജിയണൽ ഡയറക്‌ടറുമായ ഫാ. തോമസ് മുളവനാൽ മിഷൻ ടൈംസിന്റെ പ്രകാശന കർമ്മം നിർവഹിച്ചു. ചെറുപുഷ്പ മിഷൻ ലീഗ് റീജിയണൽ ഡയറക്‌ടർ ഫാ. ബിൻസ് ചേത്തലിൽ, മിഷൻ ലീഗ് റീജിയണൽ ജനറൽ ഓർഗനൈസർ സിജോയ് പറപ്പള്ളിൽ, ഫാ. ജോസ് ആദോപ്പിള്ളിൽ, ഫാ. ജോസ് തറക്കൽ, ഫാ. റെനി കട്ടേൽ, ഫാ. ബിബി തറയിൽ എന്നിവർ സന്നിഹിതരായിരുന്നു. മിഷൻ ലീഗിന്റെ റീജിയണൽ യുണിറ്റ് വിശേഷങ്ങളും അംഗങ്ങളുടെ സാഹിത്യ സൃഷ്‌ടികളുമാണ് മിഷൻ ടൈംസിൽ ഉൾപ്പെടുത്തിയിരിക്കുന്നത്.
Facebook Comments
