ഓസ്‌ട്രേലിയയിലെ കേരളം എന്നറിയപ്പെടുന്ന ടൗണ്‍സ് വില്ലയിലെ ക്‌നാനായ യുവജനപ്രസ്ഥാനമായ കെ സി വൈ എൽ ഓ യുടെ പ്രസിഡന്റ് ആയി റിതിന്‍ സിറില്‍ നെടിയപ്പള്ളിൽ , വൈസ് പ്രസിഡന്റ് ആതിര സാബു ജോണ്‍ പാറയ്ക്കല്‍, സെക്രട്ടറി എഡ്വിന്‍ ജോമോന്‍ കല്ലാനിക്കല്‍, ട്രഷറാര്‍ ആതിര തോമസ് മാത്യു, ഡയറക്ടര്‍ ടോണി തോമസ് ചൂരവെള്ളില്‍കുടിലില്‍ എന്നിവര്‍ സ്ഥാനമേറ്റു.ഏപ്രില്‍ 10-ാം തീയതി KCNQ കമ്മറ്റിയുടെയും മാതാപിതാക്കളുടെയും സാന്നിധ്യത്തില്‍ KCYLO Townsville യുടെ 2021-22 പ്രവര്‍ത്തന വര്‍ഷം ഉല്‍ഘാടനം നടത്തി, ഉല്‍ഘാടനചടങ്ങില്‍ KCNQ പ്രസിഡന്റ് ശ്രീ. കുര്യാക്കോസ് തോപ്പില്‍ അദ്ധ്യക്ഷനായിരുന്നു. KCYLO Townsvill ന് എല്ലാ ഭാവുകങ്ങളും ആശംസകളും നേര്‍ന്നുകൊണ്ട് KCNQ സെക്രട്ടറി ശ്രീ. തോമസ് കുരുവിള, വൈസ് പ്രസിഡന്റ് ശ്രീമതി ഷൈനി സണ്ണി, ട്രഷറാര്‍ ശ്രീ. ലൂക്കോസ് കുര്യാക്കോസ്, ജോ. സെക്രട്ടറി ശ്രീമതി ബിന്ദു ജെയ്‌മോന്‍, KCYLO വൈസ് പ്രസിഡന്റ് ആൽഫിൻ സാബു, KCWFO ട്രഷറാര്‍ ലിന്റ് ടോണി എന്നിവര്‍ സംസാരിച്ചു.
നമ്മുടെ സമുദായത്തെ ഇനി മുന്നോട്ട് നയിക്കേണ്ടത് പുതിയ തലമുറയാണന്നും , അവര്‍ക്കു വേണ്ടുന്ന അറിവും പ്രചോദനവും പകര്‍ന്നുകൊടുക്കാന്‍ നാം ഓരുരുത്തരും ബാധ്യസ്ഥരുമാണ്.സമുദായ സ്‌നേഹത്തോടൊപ്പംതന്നെ സമുദായത്തിന്റെ കീഴിലുള്ള പ്രസ്ഥാനങ്ങള്‍ക്ക് (ചാരിറ്റബിള്‍ ട്രസ്റ്റ്, ഓര്‍ഫനേജ്) ചെറിയ സഹായവുമാണ് ഈ 2021-22 പ്രവര്‍ത്തനവര്‍ഷത്തില്‍ മുന്നോട്ടുവയ്ക്കുന്നതെന്നും ഡയറക്ടർ ആയി സ്ഥാനമേറ്റ ശ്രീ ടോണി ചൂരവേലിൽ അറിയിച്ചു.
