21-3-2021 ഞായറാഴ്ച നിര്യാതനായ ചെറുമണത്ത് ജീവന് തോമസിന്റെ (48 ) മൃതസംസ്‌ക്കാര ശുശ്രൂഷകൾ തിങ്കളാഴ്ച (29-3-21) രാവിലെ യു കെ സമയം 10 .30 ന് ജീവന്റെ ബെൽഫാസ്റ്റിലുള്ള സ്വഭവനത്തിൽ ആരംഭിക്കും (ഇന്ത്യൻ സമയം ഉച്ചകഴിഞ്ഞ് 3 മണി ) .ബെൽഫാസ്റ്റിലെ മലയാളികളുടെ ഇടയിൽ സജീവ സാന്നിധ്യമായിരുന്ന ജീവന്റെ ആകസ്മിക വേർപാട് ഉൾക്കൊള്ളാനാവാതെയാണ് ബെൽഫാസ്റ്റിലെ മലയാളി സമൂഹം . കോവിഡ് പ്രോട്ടോക്കോൾ മാനദണ്ഡങ്ങൾ അനുസരിച്ചു നടത്തുന്ന മൃതസംസ്‌ക്കാര ശുശ്രൂഷകൾക്ക് വികാരി ജനറാൾ റവ ഫാ സജി മലയിൽപുത്തൻപുരയിൽ കാർമ്മികത്വം വഹിക്കും .ജീവന്റെ ഭാര്യ ജോസി കുറുമുള്ളൂർ കുഴിയംപറമ്പിൽ കുടുബാംഗമാണ് .മക്കൾ : തോമസ്കുട്ടി ജീവൻ ,ആഞ്ചല ജീവൻ, ആൻമേരി ജീവൻ. ജീവൻ കുടുംബസമേതം ബെല്‍ഫാസ്റ്റ് മൊയിറയിലാണ് താമസം. ജസ്റ്റിൻ ,ജൂസി ,ജൂലി (Ireland ) എന്നിവർ സഹോദരങ്ങളാണ് .NDRK 93-96 (Hassan,Karnataka)യിൽ നിന്നും നഴ്സിംഗ് പഠനം പൂർത്തിയാക്കിയ ജീവൻ യുകെയിലേക്ക് എത്തും മുമ്പ് ഡൽഹിയിൽ തീഹാർ ജയിലിൽ നഴ്‌സായി ജോലി ചെയ്യുകയായിരുന്നു . 29-3-21 തിങ്കളാഴ്ച രാവിലെ 10 മണിക്ക് ജീവന് വേണ്ടി നാട്ടിലെ സ്വന്തം ഇടവക ദേവാലയമായ കിടങ്ങൂര്‍ സെന്റ്‌മേരീസ് ഫൊറോന പള്ളിയില്‍ ദിവ്യബലിയും, പ്രാര്‍ത്ഥനയും ഉണ്ടായിരിക്കുന്നതാണ്
മൃതസംസ്‌ക്കാര ശുശ്രൂഷയുടെ തത്സമയ സംപ്രേഷണം ക്നാനായ പത്രം യൂട്യൂബ് ചാനലിലും, ഉണ്ടായിരിക്കുന്നതാണ്.
