തെള്ളകം: കേരള കാത്തലിക് സ്റ്റുഡന്‍സ് ലീഗ് (കെ.സി.എസ്.എല്‍) 2024- 25 പ്രവര്‍ത്തന വര്‍ഷം ചൈതന്യ പാസ്റ്ററല്‍ സെന്‍റില്‍ വച്ച് കോട്ടയം അതിരൂപത മെത്രാപ്പോലീത്ത മാര്‍ മാത്യു മൂലക്കാട്ട് ഉദ്ഘാടനം ചെയ്തു. ഓരോ വിദ്യാര്‍ത്ഥിയും താന്‍ ആയിരിക്കുന്ന വേദികളില്‍ ജീവിതം കണ്ട് സുവിശേഷം പ്രഘോഷിക്കാന്‍ വിളിക്കപ്പെട്ടവരാണ് എന്ന് പിതാവ് ഉദ്ഘാടന വേളയില്‍ ഓര്‍മ്മപ്പെടുത്തി. കെ.സി.എസ്.എല്‍ മുന്‍ അതിരൂപത ഡയറക്ടറും പാസ്റ്ററല്‍ കോഡിനേറ്ററുമായ ഫാ. മാത്യു മണക്കാട് അധ്യക്ഷത വഹിച്ചു. കെ.സി.എസ്.എല്‍ അതിരൂപത ഡയറക്ടര്‍ ഫാ. മാത്തുക്കുട്ടി കുളക്കാട്ടുകുടിയില്‍ സ്വാഗതവും പുന്നത്തുറ സ്കൂള്‍ വിദ്യാര്‍ത്ഥിനി സിയാന സിജു ആശംസയും നട്ടാശ്ശേരിസ്കൂള്‍ വിദ്യാര്‍ത്ഥിനി ദിവ മരിയ സുനില്‍ സംഗീതവും സി. ഹര്‍ഷ എസ്. ജെ .സി കൃതജ്ഞതയും പറഞ്ഞു. കെ.സി.എസ്.എല്‍ മുന്‍ അതിരൂപത ഡയറക്ടറും എം.എസ്.പി സെമിനാരി റെക്ടറുമായ ഫാ. ചാക്കോച്ചന്‍ വണ്ടന്‍കുഴിയില്‍ ക്ളാസ് നയിച്ചു. വിദ്യാര്‍ത്ഥി അധ്യാപക പ്രതിനിധികളെ യോഗത്തില്‍ തെരഞ്ഞെടുത്തു.
