മാലക്കല്ല്‌: ക്നാനായ കത്തോലിക്ക കോണ്‍ഗ്രസിന്റെ ആഭിമുഖ്യത്തില്‍ മാലക്കല്ല്‌ ലൂര്‍ദ്ദ്‌ മാതാ പള്ളി ഓഡിറ്റോറിയത്തില്‍ കെ.സി.സി. രാമപുരം ഫൊറോന കമ്മിറ്റിയുടെ ആഭിമുഖ്യത്തില്‍ അതിരൂപത ഭാരവാഹികള്‍ക്കും ത്രിതല പഞ്ചായത്ത്‌ മെമ്പര്‍മാര്‍ക്ക്‌ സ്വീകരണവും എസ്‌.എസ്‌.എല്‍.സി., പ്ലസ്‌ ടു പരീക്ഷകളിലും വേദപാഠത്തിനും ഉന്നത വിജയം നേടിയവര്‍ക്ക്‌ അനുമോദനവും നല്‍കി.കെ.സി.സി. ഫൊറോന പ്രസിഡന്റ്‌ സജി കുരുവിനാവേലില്‍ അധ്യക്ഷത വഹിച്ചു. കെ.സി.സി. മലബാര്‍ റീജിയണ്‍ പ്രസിഡന്റ്‌ ബാബു കദളിമറ്റം ഉദ്‌ഘാടനം ചെയ്‌തു. ഫാ. ജോസ്‌ തറപ്പുതൊട്ടിയില്‍ അനുഗ്രഹ പ്രഭാഷണവും ഫാ. ബെന്നി കന്നുവെട്ടിയില്‍ അനുമോദന പ്രസംഗവും നടത്തി. സൈമണ്‍ പാഴുകുന്നേല്‍, പ്രിയ ഷാജി, ജോയ്‌സി ജോണ്‍, സ്റ്റിമി സ്റ്റീഫന്‍, അഡ്വ. കെ. റ്റി ജോസ്‌, മത്തായി നന്ദിക്കാട്ട്‌, ടോമി വാഴപ്പള്ളില്‍, ഏതന്‍ ബിജു എന്നിവര്‍ പ്രസംഗിച്ചു.കെ.സി.സി. ഫൊറോന സെക്രട്ടറിയും ജില്ല പഞ്ചായത്ത്‌ ക്ഷേമകാര്യ സ്റ്റാന്റിംങ്‌ കമ്മിറ്റി ചെയര്‍മാനുമായ ഷിനോജ്‌ ചാക്കോ സ്വാഗതവും, ഫൊറോന ട്രഷററും കള്ളാര്‍ പഞ്ചായത്ത്‌ അംഗവുമായ ജോസ്‌ പുതുശ്ശേരി കാലായില്‍ നന്ദിയും പറഞ്ഞു. ത്രിതല പഞ്ചായത്ത്‌ അംഗങ്ങളായ ജോസ്‌ മാവേലില്‍, ലിസി തോമസ് കണ്ടോത്ത്‌, മിനി ഫിലിപ്പ്‌, ജിനി ബിനോയി എന്നിവര്‍ മറുപടി പ്രസംഗം നടത്തി.
