നമ്മുടെ കർത്താവീശോ മിശിഹായുടെ പിറവി തിരുനാളിനു ഒരുക്കമായുള്ള മംഗള വാർത്താകാലത്തിലെ ഒന്നാമത്തെ ഞായറാഴ്ച നമ്മുടെ അതിരൂപതയുടെ ആരാധനാ ക്രമത്തിന്റെ തലവൻ അഭിവന്ദ്യ മാർ മാത്യു മൂലക്കാട്ടു മെത്രാപൊലിത്താ പെരിക്കല്ലൂർ സെന്റ് തോമസ് പള്ളിയിൽ ദിവ്യബലിയർപ്പിക്കുകയും മംഗളവാർത്ത കാലത്തിന്റെ സന്ദേശങ്ങൾ നൽകുകയും ചെയ്തു..ദിവ്യ ബലിക്ക് ശേഷം അമേരിക്കയിലെ ഡാള്ളസ് ക്രൈസ്റ്റ് ദ കിങ് ക്നാനായ കത്തോലിക്ക ഇടവക അവരുടെ പത്താം വർഷ സ്ഥാപന ദിനത്തോടനുബന്ധിച്ച് പെരിക്കല്ലൂർ ഇടവകക്ക്‌ സ്പോൺസർ ചെയ്ത ക്രിസ്മസ് സമ്മാനം… ( പെരിക്കല്ലൂർ ഇടവകയിലെ ഓരോ കുടുംബത്തിനും ക്രിതുമസ് കേക്കും കൊന്തയും ) അഭിവന്ദ്യ മെത്രാപോലിത്ത വെഞ്ചരിച്ച്, ഇടവകയുടെ പ്രതിനിധികളായ കൈക്കാരന്മാർക് നൽകി ഉത്ഘാടനം ചെയ്തു. സമ്മാനം സ്പോൺസർ ചെയ്ത ഡാള്ളസ് വികാരി ബഹു.റെനി കട്ടയിൽ അച്ചനും ഇടവക ജനങ്ങൾക്കും പെരിക്കല്ലൂർ ഇടവക വികാരി ഫാ. മാത്യു മേലേടം നന്ദിയർപ്പിച്ചു
