ചിക്കാഗോ: ക്‌നാനായ റീജിയന്‍ ചെറുപുഷ്പ മിഷന്‍ ലീഗിന്റെ ആഭിമുഖ്യത്തില്‍ കഴിഞ്ഞ ഒക്ടോബറില്‍ കുട്ടികള്‍ക്കായി റീജണല്‍ തലത്തില്‍ സംഘടിപ്പിച്ച ‘റൊസാരിയം 21’ ബൈബിള്‍ ക്വിസില്‍ സെ.മേരീസ് CML യൂണിറ്റില്‍ നിന്നുള്ള മത്സര വിജയികള്‍ക്കുള്ള സമ്മാനങ്ങള്‍ വിതരണം ചെയ്തു. സെ.മേരീസ് ദൈവാലയത്തില്‍ ഫെബ്രുവരി 13 ഞായറാഴ്ച ഉച്ചയ്ക്കത്തെ വി.കുര്‍ബാനയ്ക്കുശേഷം ക്‌നാനായ റീജിയന്‍ ഡയറക്ടര്‍ മോണ്‍സിഞ്ഞോര്‍ തോമസ് മുളവനാല്‍ ഒന്നാം സമ്മാനം അര്‍ഹനായ ജെയിംസ് കുന്നശ്ശേരിക്കും, മൂന്നാംസ്ഥാനം പങ്കുവെച്ച സാന്ദ്ര കുന്നശ്ശേരില്‍, അയോണ മറ്റത്തില്‍ കുന്നേല്‍, അലക്‌സാ കരികുളം, മേരീആന്‍ കരികുളം എന്നിവര്‍ക്കുള്ള സമ്മാനങ്ങള്‍ വിതരണം ചെയ്തു. രണ്ടാം സ്ഥാനത്തിന് അര്‍ഹരായത് സാന്‍ഹോസെ ഇടവകയാണ്. ചിക്കാഗോ സി.എം.എല്‍ യൂണിറ്റ് സെക്രട്ടറി ജെഫറിന്‍ ആനാലില്‍ മത്സര വിജയികളെ സദസ്സിന് പരിചയപ്പെടുത്തുകയും സമ്മാനങ്ങള്‍ സ്‌പോണ്‍സര്‍ ചെയ്ത സജി & ബിനു ഇടക്കര ഫാമിലിയോടുള്ള നന്ദി അറിയിക്കുകയും ചെയ്തു. അസി. വികാരി ഫാ. ജോസഫ് തച്ചാറ, സി. ജെസീന എന്നിവര്‍ ചടങ്ങില്‍ സന്നിഹിതരായിരുന്നു.
