മോർട്ടൺഗ്രോവ് സെ.മേരീസ് ക്നാനായ കത്തോലിക്കാ ദേവാലയത്തിൽ ഇരട്ട സഹോദരങ്ങളായ വിശുദ്ധ ഗർവ്വാസീസന്റെയും വി. പ്രോത്താസീസന്റെയും തിരുനാളും ഇരട്ട സംഗമവും സംയുക്തമായി ആഘോഷിച്ചു

ചിക്കാഗോ: മോർട്ടൺഗ്രോവ് സെ.മേരീസ് ക്നാനായ കത്തോലിക്കാ ദേവാലയത്തിൽ ഇരട്ട സഹോദരങ്ങളായ വിശുദ്ധ ഗർവ്വാസീസന്റെയും വി. പ്രോത്താസീസന്റെയും തിരുനാളും ഇരട്ട സംഗമവും സംയുക്തമായി ആഘോഷിച്ചു. ഒക്ടോബർ ഏഴാം തീയതി ഞായറാഴ്ച രാവിലെ 10 മണിക്ക് നടന്ന വിശുദ്ധ ബലിയോടെയാണ് തിരുനാൾ ആഘോഷവും അതിനോടനുബന്ധിച്ച് ഇരട്ട സംഗമവും സംഘടിപ്പിച്ചത്. ഇടവക വികാരി റവ.ഫാ. തോമസ് മുളവനാൽ വിശുദ്ധ ബലിയിലും തുടർന്ന് നടന്ന തിരുകർമ്മങ്ങളിലും മുഖ്യകാർമികനായിരുന്നു. ഇടവക ദേവാലയത്തിലെ ഇരുപത്തിയൊന്ന് ഇരട്ട സഹോദരങ്ങൾ സംഗമത്തിൽ പങ്കെടുത്തു . രാവിലെ 9.45ന് ആരംഭിച്ച പ്രൊസഷനിൽ വർണപ്പകിട്ടാർന്ന ഒരെ ജോഡി വസ്ത്രങ്ങൾ അണിഞ്ഞ് ഇരുനിരയായി അണിനിരന്ന ഇരട്ട സഹോദരങ്ങൾ കാഴ്ച വസ്തുക്കൾ അടങ്ങിയ താലവുമേന്തി ബലിപീഠത്തിനരികെയെത്തി കാഴ്ചവസ്തുക്കൾ സമർപ്പിച്ചു. പുതുമയാർന്ന ഒരുക്കത്തോടെ ആദ്യമായി സെ.മേരീസ് ദേവാലയത്തിൽ നടത്തിയ ഇരട്ടസംഗമം ഇടവക ജനങ്ങൾക്കിതൊരു നവ്യാനുഭവമായിരുന്നു. സംഗമത്തിൽ പങ്കെടുത്ത എല്ലാ ഇരട്ട സഹോദരങ്ങൾക്കും സമ്മാനങ്ങൾ നൽകി ഇടവക ഇവരെ ആദരിച്ചു.







ഇവിടെ കൊടുക്കുന്ന അഭിപ്രായങ്ങൾ ക്നാനായ പത്രതിന്റെതല്ല .സോഷ്യൽ നെറ്റ്‌വർക്ക് വഴി അഭിപ്രായങ്ങൾ എഴുതുകയും ചർച്ചയിൽ പങ്കെടുക്കുകയും ചെയ്യുന്നവർ അപകീർത്തികരമായോ അസഭ്യമോ അശ്ലീലമോ ആയ അഭിപ്രായങ്ങൾ പോസ്റ്റ്‌ ചെയ്യുന്നത് ശിക്ഷാർഹമാണ്.