മെൽബൺ ക്നാനായ കാത്തലിക് യൂത്ത് ലീഗ് യുവജനങ്ങൾക്ക്‌ ഒരു മാതൃക

സെന്റ് മേരിസ് ക്നാനായ കാത്തലിക് മിഷൻ മെൽബണിൻറെ  2019 ലെ വലിയ തിരുന്നാളിന് പ്രെസുദേന്തിമാരായി, ലോകമെമ്പാടുമുള്ള യുവജനങ്ങൾക്ക്‌ മാതൃകയാവുകയാണ് മെൽബൺ കെ.സി.വൈ. എൽ.അംഗങ്ങൾ.

സെപ്റ്റംബർ 30, 2018 ലെ തിരുന്നാളിനോടനുബന്ധിച് സെന്റ്  പീറ്റേഴ്സ് ചർച് ക്ലയിറ്റനിൽ വെച്ച്   നടന്ന പ്രെസുദേന്തി വാഴ്ചയിലാണ് 33 ഓളം യുവതി യുവാക്കൾ അടുത്ത വർഷത്തെ പരിശുദ്ധ കന്യകാമറിയത്തിന്റെ തിരുന്നാളിന് സകല ചിലവുകളും വഹിക്കുവാൻ പ്രെസുദേന്തിമാരായി മുന്നോട്ടു വന്നിരിക്കുന്നത്. 

മെൽബൺ കെ.സി.വൈ.എൽ പ്രസിഡന്റ് സ്റ്റെബിൻ ഒക്കാട്ട്, സെക്രട്ടറി ജിക്‌സി ജോസഫ് കുന്നംപടവിൽ  എന്നിവരുടെ നേതൃത്വത്തിൽ അടുത്ത വർഷത്തെ തിരുന്നാൾ ഒരു ഉത്സവമായി മാറ്റാനുള്ള തയാറെടുപ്പിലാണ് മെൽബൺ ക്നാനായ കാത്തലിക് യൂത്ത് ലീഗ്.

മാതൃകാപരമായ തീരുമാനത്തിലൂടെ, പരിശുദ്ധ അമ്മയോടുള്ള ഭക്തിയും സ്‌നേഹവും ഊട്ടിയുറപ്പിച് ദൈവവിശ്വാസത്തിൽ വളർന്നു വരുവാൻ  തയാറായി മുന്നോട്ട് വന്നിരിക്കുന്ന എല്ലാ യുവജനങ്ങളെയും ചാപ്ലിൻ ഫാ. തോമസ് കുമ്പുക്കൽ അനുമോദിക്കുകയും അവർക്ക് എല്ലാവിധ ആശംസകൾ നേരുകയും ചെയ്തു.

 







ഇവിടെ കൊടുക്കുന്ന അഭിപ്രായങ്ങൾ ക്നാനായ പത്രതിന്റെതല്ല .സോഷ്യൽ നെറ്റ്‌വർക്ക് വഴി അഭിപ്രായങ്ങൾ എഴുതുകയും ചർച്ചയിൽ പങ്കെടുക്കുകയും ചെയ്യുന്നവർ അപകീർത്തികരമായോ അസഭ്യമോ അശ്ലീലമോ ആയ അഭിപ്രായങ്ങൾ പോസ്റ്റ്‌ ചെയ്യുന്നത് ശിക്ഷാർഹമാണ്.