വിശ്വാസനിറവ് 2018′ മെൽബൺ സൺ‌ഡേ സ്കൂൾ  വിദ്യാർത്ഥികളുടെ ത്രിദിന ക്യാമ്പിന് ഉജ്വലസമാപനം

മെൽബൺ സെന്റ് മേരിസ് ക്നാനായ കാത്തലിക് മിഷന്റെ സൺ‌ഡേ സ്കൂൾ വിദ്യാർത്ഥികളുടെ നാലാമത് ത്രിദിന ക്യാമ്പ് 'വിശ്വാസനിറവ്‌ 2018' ഏപ്രിൽ മൂന്ന്, നാല്, അഞ്ച് തീയതികളിൽ സെന്റ് ആഗ്നസ് ചർച് ഹൈയത്തിൽ വെച്ച് നടത്തപ്പെട്ടു. മെൽബൺ സിറോമലബാർ രൂപതാ യൂത്ത് അപ്പോസ്തലറ്റ് ഡയറക്ടർ സോജിൻ സെബാസ്റ്റ്യൻ ആൻഡ് ടീമിന്റെ നേതൃത്വത്തിൽ നയിക്കപ്പെട്ട ത്രിദിന ക്യാമ്പ് വൈവിധ്യമാർന്ന പരിപാടികൾക്കൊണ്ട് ഏവരുടെയും പ്രശംസ പിടിച്ചു പറ്റി. ക്നാനായ മിഷന്റെ സൺ‌ഡേ സ്കൂൾ കോർഡിനേറ്റർസായ സിജോ ജോൺ, ജോർജ് പൗവത്തിൽ, കൈക്കാരന്മാരായ ബേബി കരിശ്ശേരിക്കൽ ആന്റണി പ്ലാക്കൂട്ടത്തിൽ, സെക്രട്ടറി  ബൈജു ഓണശ്ശേരിൽ , പാരിഷ് കൌൺസിൽ മെംബേർസ്, സൺ‌ഡേ സ്കൂൾ അധ്യാപകർ, മെൽബൺ കെ.സി.വൈ.എൽ അംഗങ്ങൾ  എന്നിവർ പരിപാടികൾക്ക് നേതൃത്വം നൽകി.ചാപ്ലിൻ ഫാ. തോമസ് കുമ്പുക്കൽ, ഫാ. സ്റ്റീഫൻ കണ്ടാരപ്പള്ളി എന്നിവരുടെ സാന്നിധ്യവും അവരുടെ കാർമ്മികത്വത്തിൽ നടത്തപ്പെട്ട വിശുദ്ധകുർബ്ബാനയും ഏവർക്കും ആല്മീയ ഉണർവ് നൽകി. മാതാപിതാക്കൾക്ക് വേണ്ടി സോജിൻ സെബാസ്റ്റിൻറെ നേതൃത്വത്തിൽ പ്രത്യേക  സെമിനാറും നടത്തപ്പെട്ടു.

വിശ്വാസ നിറവ്  2018 ന്റെ വിജയത്തിന് വേണ്ടി പ്രവർത്തിച്ച എല്ലാവരെയും, കുട്ടികളെ ഈ ക്യാമ്പിലേക്ക് പറഞ്ഞു വിട്ട് അവരെ ദൈവവിശ്വാസത്തിലൂടെ വളർത്തിക്കൊണ്ടു വരുവാൻ ശ്രമിക്കുന്ന എല്ലാ മാതാപിതാക്കളെയും ചാപ്ലിൻ അനുമോദിക്കുകയും നന്ദി അറിയിക്കുകയും ചെയ്തു                                                           dd1dd2.







ഇവിടെ കൊടുക്കുന്ന അഭിപ്രായങ്ങൾ ക്നാനായ പത്രതിന്റെതല്ല .സോഷ്യൽ നെറ്റ്‌വർക്ക് വഴി അഭിപ്രായങ്ങൾ എഴുതുകയും ചർച്ചയിൽ പങ്കെടുക്കുകയും ചെയ്യുന്നവർ അപകീർത്തികരമായോ അസഭ്യമോ അശ്ലീലമോ ആയ അഭിപ്രായങ്ങൾ പോസ്റ്റ്‌ ചെയ്യുന്നത് ശിക്ഷാർഹമാണ്.